PRUEBA COOKIES ENLACE
COOKIES

Arrantza portua-Arrantzaleen kofradia

Arrantza portua-Arrantzaleen kofradia

Helbidea:
Arrantza Portua

Olatu-hormaren eraikuntzak eta XIX. mendearen amaieran kanpoko portuaren hasierak eragin handia izan zuen Santurtziren eraldaketan. Kostaldeko eremu batzuk desagertu ondoren, itsasoari irabazitako lursail horretan daude gaur egun arrantzaleen kofradia, arrantza-portua, parkea, kiroldegia eta Victoria Erregina Itsas Pasealekua.

Portuak eta Arrantzaleen Kofradiak, bere betiko esentzia aldatu ez duenak, egunero egiten diete harrera beroa gure arrantzaleei, sasoiko arrain freskoa porturatzen dutenean.

Bere irudi bereziari eutsiz, goizero, lonja itsas usainez bustitzen da arrain-piezarik onenekin. Lonja, gure etxeetako mahaira harrapaketarik onenak eramateko ezinbesteko gune bilakatu da.

2011n zaharberritutako Arrantzaleen Kofradian, lonjaz gain, El Hogar del Pescador betiko jatetxea, Turismo Bulegoa eta enkante aretoa daude, non aldian-aldian antzeztutako arrain enkante animatuak antolatzen baitira.

Kofradiako sotoetan, ezkutuan, eraikineko altxorrik handienetako bat dago, Santurtzi Itsaso Museoa interpretazio zentroa.

Portuko kai-muturretik paseatzen ari garela, erraza da gure ondare industrialaren, esku-garabiaren, testigantza bikaina aurkitzea. Bere oinek, oroimenaren zirrikituekin jantzita, Gerra Zibilean itsasontzietan ebakuatu zituzten haurren bizipenak irudikatzen dituzte mosaiko koloretsu moduan.

Gerrako haurren omenezko monumentuak, 2006ko urriaren 10ean instalatuak, sufrimenduak eta ziurgabetasun etengabeak, baina, batez ere, itxaropenak eta bizirauteko gogo hautsiezinak markatutako istorioa hurbildu nahi die herritarrei.

​​​​

Jatorria
Helmuga