Ikus-entzunezko euskarri batzuek, ibilbidean zehar, erakusten dute santurtziarrek itsas-eremuarekin nolako lotura izan duten 1600etik gaur egunera arte. Bilboko itsasadarrera sartu eta handik irteteko "hondarrezko barra" beldurgarriak itsasontziei jartzen zizkien oztopoak gainditzeko lemariek burutzen zuten lan garrantzitsua eta arazo horri eman zitzaion irtenbidea ezagutu ahal izango dituzte bisitariek.

Museoan honako hauek ere ikusi ahal izango dituzte: itsaso hauetan zebiltzan kortsario eta piraten bizitza, XVI. mendearen erdialdean Santurtziko kontrabandista ezagunenetako baten ibilerak, estropaden jatorria edo udalerrian traineruek duten tradizioa. Eta, nola ez, Santurtziko ikurrik garrantzitsuenetako bat ahaztu gabe, sardinerak, arrainontzien zain egoten ziren eta itsasadar osoan, bai eta Plentzia edo Balmaseda bezalako herri urrunetan ere, arraina saltzen ibiltzen ziren emakume bizkorrena.