Serantes mendia Kantauri itsaso eta Abrako badiaren gaineko talaia paregabea da. Toki aparta da Bilboko itsasadarra, Santurtzi bera, Portua, gertuko mendiak eta kostaldea ikusteko.
Mendia toki estrategikoan dagoenez, historian zehar babesleku garrantzitsua izan da balizko eraso militarren aurrean. Bertako gotorleku zaharrak antzina izan zuten garrantziaren froga dira. Elementu nagusiak dira Gotorlekua eta gailurreko Dorrea (1879ko amaieran eraikitzen hasi eta 1881eko erdialdean amaitu zena), karlistadengatik.
Historiaz gain, altxor txikiak gorderik dituen natura gunea da eta horiexek erakutsi nahi dizkizuegu maiatzeko larunbatetan egingo diren gaikako bisitetan.
GOTORLEKUAK
Igandeak: 11:00
DOAN
